دەنگ و باس
سەرۆک مەسعوود بارزانی: پیلان و بزاڤێن زێدە هەنە بۆ رێگریکرنێ ل مە، لێ دێ هەر دبەردەوام بین
سەرۆک مەسعوود بارزانی ل گەل پێشمەرگەیێن دەزگەهێ ئیلوون و گۆلان و زیندانییێن سیاسی یێن پارێزگەها دهۆکێ کۆمبوو.
سەرۆک بارزانی د گۆتارا خۆ دا گۆت: "سۆپاسییا خۆراگری و خەبات و ماندیبوونا وان دکەم، ئازادییا نوکە ژ فەزلێ خودایێ مەزن و خوینا شەهیدان و رۆندکێن دایکێن شەهید و رەنج و ماندیبوونا هەوە یە".
هەروەسا گۆت: "جینۆساید و زولما ل هەمبەر گەلێ کوردستانێ هاتییە کرن ب هەمی رەنگان وەلاتێ مە وێران کرییە و مە د سالێن بۆری دا هەمی بزاڤ کرن بۆ ئاڤەدانکرن و پێشکەفتنێ، پیلان و بزاڤێن زێدە هەنە بۆ رێگریکرنێ ل مە، لێ دێ هەر دبەردەوام بین".
"چەوا ل دەمێ بۆری د سەنگەران دا هەوە شەرەکێ قارەمانانە کر، نوکە ژی شەڕەکێ مەزن هەیە کو دڤێت جڤاکا کوردستانی ب پیلانێن جودا بێهیڤی بکەن، لێ ب هەلبژارتنان دڤێت ب هەمان روحیەتا بەرخودانا سەنگەری کار بۆ سەرکەفتنێ و نیشاندانا سەنگا پارتی بکەین".
"دڤێت ئەم هەبین و چاڤەرێی کەسێ نەبین، چەندین جاران کوردستان کەفتە بەر هێرشێن مەترسیدار، بتنێ پێشمەرگەیی پارێزگاری ل ئاخ و مللەتی کر. پرۆژەیێن مەزن هاتینە ئەنجامدان و پرۆژەیێن مەزن د رێکێ دانە، ب چ فشاران سازشێ ل سەر مافێن خۆ و مەبدەئێن خۆ ناکەین".
کۆمبوونا ئەمنی یا رۆژهەلاتا ناڤین چاڤەرێی ئەنجامێن ئەرێنی یە
ل پایتەختێ ئێک ژ وەلاتێن هەرێمێ، کۆمبوونەکا گرنگا ئەمنی ب بەشداریا نوینەرێن چەندین وەلاتان هاتە گرێدان. رۆژەڤا سەرەکی یا کۆمبوونێ بەحسكرنا رێیێن هەڤپشک بۆ رووبرووبوونا تیرۆرێ و زێدەکرنا هەماهەنگییا ئەمنی بوو. ژێدەرەکێ ئاگەهدار راگەهاند کو دانوستاندن گەهشتینە قۆناغەکا باش و چەندین رێککەفتنێن سەرەتایی هاتینە ئیمزاکرن. ئارمانجا سەرەکی ئەوە کو سەقامگیری ل دەڤەرێ بهێتە پاراستن و رێ ژ بەر هەمی جۆرێن توندوتیژیێ بهێتە گرتن. هەروەسا، بەحس ل ئالۆزیێن ئابووری و کارتێکرنا وان ل سەر ئاسایشا گشتی ژی هاتە کرن. شرۆڤەکارێن سیاسی هیڤی خوازن کو ئەنجامێن ڤێ کۆمبوونێ دێ بنە ئەگەرێ کێمکرنا گرژیان و ڤەکرنا دەرگەهەکێ نوو بۆ دیالۆگ و هەڤکارییا دناڤبەرا وەلاتێن دەڤەرێ دا، کو دێ خزمەتا ئاشتی و ئارامیێ کەت.
سه‌رۆك بارزانى ل سێمێلێ دێ ل گه‌ل پێشمه‌رگێن ئیلۆن و گولانێ كۆمبیت
سه‌رۆك بارزانى ل سێمێلێ یه و دهێته چاڤه‌ڕێكرن ل گه‌ل پێشمه‌رگێن ئیلۆن و گولانێ كۆمبیت و چه‌ندین مژاران به‌حس بكه‌ت.
ل گۆڕه‌ریى زانیاریێن گاڤ ئه‌ڤرۆ شه‌مبیێ 1-11-2025ێ سه‌رۆك مه‌سعوود بارزانى ل ده‌ڤه‌ردارییا سێمێلێ یه و دهێته چاڤه‌ڕێكرن ل گه‌ل پێشمه‌رگێن شۆڕشێن ئیلۆن و گولانێ كۆمبیت.
ل گۆڕه‌یى كۆمبوونێن د چه‌ند رۆژێن بۆرى دا سه‌رۆك بارزانى ڤان مژارێن گرنگ ل گه‌ل خه‌لكى و ته‌خێن جودا یێن جڤاكى به‌حس دكه‌ت، كو هه‌ر ئێك ژ پێشهاتێن ناڤخۆ، ئیراق و رۆژهه‌لاتا ناڤین و قۆناغا بهێت یا پێكئینانا حكومه‌تا ئیراقێ.
هه‌ر د به‌رده‌وامییا گۆتارا خۆ دا سه‌رۆك بارزانى دێ به‌حس ل پێشهات و گوهۆڕینێن ل ناوچێ دروست دبن و رۆلێ پارتى بۆ قۆناغا بهێت یا ئیراقێ ژى كه‌ت.
ده‌ما چه‌ندین رۆژانه سه‌رۆك بارزانى ل سنۆرێ پارێزگه‌ها دهۆكێ یه و كۆمبوونێن جودا ل گه‌ل ته‌خ و چینێن جڤاكى كرینه و دیاركریه، دڤێت كورد بۆ قۆناغا بهێت ل به‌غدایێ باش به‌رهه‌ڤییان بكه‌ن و مافێن خۆ د ده‌ستوورى دا مسۆگه‌ر بكه‌ن.